الشاعر : عبدالرحمن الهاملي

السلام عليكم ورحمه الله وبركاته

امسي عليكم بالخير
وهديكم قصيدة عمي ( عبدالرحمن الهاملي)

استمتو بالقرائه



رح فمان الظلام ووحشته .. راح أنام
أمس نايم واحس ان لي سنه ماغفيت ..


مايفيد العتب خل العتب والملام
لو يفيدون قدرت المحبه وجيت ..


غمضّ عيونك النعّس وشوف الظلام
كيف مني تحديت الظلام وسريت ..


كنت أحبك كثر ما بـ الكلام الكلام
وكنت خايف كثر ماقلتها واستحيت ..


يوم كان الضما عادي وكلك غمام
لو رويتك ضميت ولو ضميتك رويت..


كم تمنيت اشوفك لنهايه ختام
وكم تمنيت ما اقول بحياتي ياليت ..


هذا انا عقب ماودعت سرب الحمام
قلت اودع عيونك وانتهي .. وأبتديت ..


جيت أبنساك وانسى التضحيه والغرام
ورحت أبنسى ولاكن مثل مارحت جيت




والسلام عليكم
ابي منكم السمعه واتبون مني الدعاء